吳雨霏讚余文樂好仔

「樂霏戀」曝光後，女主角吳雨霏（Kary）昨晚首次出席公開活動，更默認戀情，強調一切順其自然，更不避嫌大讚對方是「好仔」，戀情逐漸浮面！

吳雨霏（Kary）昨晚與薛凱琪、黎明愛將文詠珊及黃偉文等出席《Chanel全新Premiere腕錶系列酒會》。昨晚是Kary自「樂霏戀」曝光後首次出席公開活動，記者大讚二人甜蜜，她說：「多謝！不過私人嘢低調，依家都好開心。（認拍拖？）順其自然。（機場前後腳出，唔停低合照？）低調處理，事後喺微博同番傳媒講唔好意思，當時情況混亂，自己都好驚。（有共識低調戀情？）佢（余文樂）一向低調處理私人事，而我入行以嚟一直低調，大家明啦！」記者問可否稱余文樂是她男友？她笑說：「唔知！（怕畀人話唔大方？）唔會，每人處事方法唔同，畀啲空間我哋慢慢發展。（唔穩定？）唔係！（蘇永康都叫你大方合照？）佢有叫我順其自然。（唔聽前輩話？）冇唔聽，但冇否認。」

否認同Stephy反面

問到樂仔是否好男仔？她說：「係！都係好演員。（呃咗你？）佢好識照顧人。」提到「男友」被指花心，她表示不知道對方的過去，但對於現在的樂仔十分信任：「信佢依家唔係啲咁嘅人。」樂仔曾自稱正過周柏豪，她甜笑說：「嗯！」有傳她與樂仔歐遊時因未有回覆好姊妹鄧麗欣（Stephy）而鬧不和，她說：「我哋冇嘢喎！聽到報道都覺得好笑！去咗旅行梗係搵唔到，啲姊妹都戥我開心！」再問到會否帶樂仔出席姊妹飯局？她說：「Stephy好忙，就算係都得姊妹啦！」記者指她與樂仔、Stephy和方力申（小方）可舉行四人飯局，她暗示Stephy與小方戀情穩定：「我成日都同小方食o架啦！」

薛凱琪想要尖面

同場的薛凱琪以露背裝亮相，大晒白滑玉背！有指她的面龐比以前更「V」，她說：「媽咪睇咗都覺得好笑，之前有狗仔隊喺我屋企樓下等，冇影埋入屋已經好好！」她又笑說：「我都想整尖塊面！媽咪叫我係整都整條頸同身材啦！」另外，余文樂昨日在微博上載半邊面的自拍照，並留言：「今日有點造夢。」未知是否太過想念Kary呢？