杜汶澤「錦江」上身 同娜姐親熱搶住裸

周秀娜、杜汶澤與導演彭浩翔，昨日於西貢參與王晶執導的新片《爛滾夫鬥爛滾妻》開鏡，娜姐與片中老公杜汶澤以中式禮服亮相，穿上裙褂的她收起咪咪！娜姐早前於網上聲稱「失眠太久」，昨日亦疲態畢露，她接受訪問時說：「呢排好忙！兩套戲疊住拍，有啲攰！（以工作麻醉情傷？）嘢一定要做，又冇人養我！（有報道話你出街包到實，冇面見人？）出街梗要着衫包住o架！我冇唔開心，亦都好好胃口，拍呢套戲有得食、有得聽阿澤搞Gag，劇情又講我好多仔食！（肥番幾多磅？）未磅喎！」

至於《爛》片男主角杜汶澤感激王晶於新戲明益他：「王晶好過我老竇，我畢生夢想就係同娜姐拍戲，多謝佢成全！一百場戲有五十場親熱戲，對手又多，估唔到我做完影帝，做咗『杜錦江』，同徐錦江睇齊。（主動NG？）一百幾十次少不免！我主動全裸添！但導演唔要，我遮番之嘛！」