好友讚BB嘴仔似足媽咪 周家蔚主張餵母乳

湯盈盈自然分娩誕下B女，各方好友紛紛祝賀。其中同樣初為人母的好姊妹周家蔚透露，已往探望盈盈兩母女，又指B女嘴仔似足盈盈。家蔚表示與盈盈大談湊仔經及餵人奶心得，她笑說：「希望盈盈多啲人奶，我個仔唔夠食，有多可以畀埋我個仔食。」而她於微博分享與老公洪天明吃日本菜的照片，期間不經意露出事業線；看來戥好友開心之餘，胃口亦大開。另一好友鍾麗淇亦表示已探望BB，指B女面龐肥嘟嘟、嘴唇厚，她自爆已跟B女上契，同時亦會盡快助盈盈收身。姚樂怡則表示於Group Chat已見過B女，她說：「BB面形似足嘉樂！盈盈一直都話會自己生（自然分娩），鬼妹仔係咁，崇尚自然。（幾時到你？）努力中，就唔到時間。」而佘詩曼雖不在港，但亦替好友高興，表示返港後會第一時間探盈盈及BB。

與嘉樂相識多年的關寶慧則透過短訊恭喜他，說到B女似爸爸，她笑說：「希望佢下次生對龍鳳胎，似番盈盈補數，可能BB第日係『打女』嚟！」至於榮升契媽的梁靖琪表示送了「時間」給盈樂，因由兩人求婚、結婚、搬屋到現在做父母，她都全程陪着，笑指嘉樂似多娶了一位老婆。