李亞男三點式任睇 男友冇眼睇

王祖藍因工作需要而被女圍，而女友李亞男同樣因工作需要穿比堅尼晒身材益街坊！亞男與李璧琦於前晚播出的無綫品味節目《爾巒品味意國》中齊齊三點式上陣，鏡頭掃勻亞男全身達一分鐘，Fit爆身材相當吸睛，揮低李璧琦！

記者欲向身在湖南宣傳的祖藍展示亞男的泳裝如何性感時，他笑說：「唔使睇啦！我大概都知係咩事！佢事前同我提過，泳衣唔使畀我批，又唔係我着，只要出嚟感覺高貴同靚，唔係似o靚模咁，性感都冇所謂！我尊重佢！」而亞男稱早已向男友備案：「唔會成日都咁性感，工作需要先會，有埋璧琦陪仲開心！（好身材？）比起8年前選華姐時肥咗，夏天快到要做多啲運動。」