蔣怡翁狄森遞表結婚

名模蔣怡（CoCo）與拍拖13年的珠寶設計師男友翁狄森（Dickson）終於結束愛情長跑，昨日記者在婚姻登記處發現二人於本月四日遞交的擬結婚通知書。本報致電Dickson時，他坦言一直均有結婚計劃，但笑言當日只是「貪得意」遞表結婚：「不過仲未搞個婚禮，可能要往後推，因為唔想太趕。嗰日只係貪得意，好多嘢未籌備好未準備好，嗰日有啲律師朋友叫我哋交表，我哋咪貪得意交表囉！（CoCo會唔會唔開心你咁講？）唔會，有好消息會通知大家，依家日日都咁開心。」他又表示彼此均熱愛大自然，故考慮於大自然舉行婚禮。

而CoCo透過經理人公司說：「CoCo有通知公司，知道佢已經交咗表，幾時結婚同安排要再了解。其實佢哋咁多年一直有籌備，只係近排想實行。」