超激！王梓軒真槍掃射布吉

生活充滿壓力的藝人需懂得忙裏偷閒，就像歌手王梓軒（Jonathan）要兼顧主持工作，亦開始進軍電影界，早前趁有空檔即放假與朋友到泰國自由行，輕鬆一下！Jonathan笑言有「專人」安排行程：「我有個朋友好鍾意Plan行程，所以我乜都唔使諗，帶自己個人去就得喇！」Jonathan在港時沒有太多時間玩樂，故去到泰國布吉大玩特玩刺激的活動：「我玩咗賽車同真槍射擊！真槍唔可以連環射擊，因為衝力太勁，我都射得OK準㗎！其實細個有諗過做警察，但依家覺得好危險。」問到有沒有艷遇？他直言沒有，連人妖騷都不敢看。叉夠電的Jonathan透露會繼續多棲發展，音樂上將與新拍檔Eric Kwok合作，希望通過表演發放正能量。