Jeana要嫁舊「朱古力」

早前張栢芝弟弟張柏文送了一隻閃爆鑽戒給模特兒女友何佩瑜（Jeana），冧得女友甜絲絲，更一度傳出求婚傳聞。昨日柏文又再發冧功，在微博上載和Jeana面貼面的煙韌合照，更說：「可不可以牽着我，從老婆到老婆婆。」甜蜜到爆，網友更一度猜測柏文已求婚成功。Jeana昨日接受電話訪問回應事件，她表示男友並沒有求婚，亦暗示不會輕易出嫁：「相處多一陣先啦！等佢練得大隻啲同曬黑啲先。」問到為何有此要求，Jeana即笑說：「因為我鍾意食朱古力！」原來Jeana一直有留意大隻猛男，她對美國拉斯維加斯爆衫舞蹈團體Chippendales首席黑人舞者Staceyy Robinson甚有興趣，更毫不避嫌地說：「睇到Staceyy身上嗰排朱古力，實在忍唔住想食咗佢！」