衛詩雅演AV女無師自通

羅力威與衛詩雅昨日出席環保活動，羅力威表示會節約用水：「平時都唔用浴缸沖涼，不過香港成日爆水渠，爆一爆就冇咗好多水。」而衛詩雅稱有利用舊衫自製小手作，又自爆最近在電影中飾演AV女神：「我有叫導演開一段AV畀我睇，但係Load唔到，惟有靠導演形容畀我聽，點知拍完，個個男士都話演得好似，仲反問我係咪睇過。（性感演出？）我只係需要坐喺度自我介紹，咬吓唇同埋怕醜咁笑吓。」問到羅力威心目中的AV女神是誰？他有口難言地說：「我唔知邊個打邊個，我最近睇緊木村拓哉套劇，我睇日劇同韓片多啲！」