李泳豪目前忙於拍攝無綫新劇《情逆三世緣》，對於舊愛思琦的女兒已一歲大，他在電話中表示已沒有記着以前的事，全副心機放在工作上。他說：「我同佢真係好耐冇聯絡，佢嘅嘢已經唔關我事，所以唔需要問我回應。（咁有冇拍拖？）依家拍劇連賽車，根本冇時間諗其他嘢，邊有時間拍拖。」
他透露因早前歐陽震華病了，過兩日《情》劇會再開廠，還要返內地拍外景。他說：「其實近排已經要中港兩邊走，因為要為賽車傾贊助，不過愈忙反而愈開心，希望事業更上一層樓。」
李泳豪坦言工作忙碌，沒有時間拍拖。
