老公送近千萬豪宅 岑潔儀結婚周年嚇到喊

蒙麵甜蜜蜜唔生B，至於未有生小朋友的藝人岑潔儀（Zoey）與老公Dixon前日結婚一周年，為冧老婆不惜工本，Dixon除送鮮花及到高級酒店吃飯外，還豪送市值900萬、位於將軍澳的天晉II千呎單位作為結婚周年、生日禮物及情人節禮物，認真大手筆！

Zoey受訪時笑言過程充滿驚喜：「之前生日同情人節佢都冇送禮物畀我，有少少失望，前幾日佢失驚無神叫我去律師樓簽字，真係畀佢嚇餐死！去到佢又無端端話約咗人食Tea，叫我自己搞掂，後來我先知佢竟然送層樓畀我！」她自言是首次簽這些文件，過程甚為緊張，之後見到老公更忍不住即喊：「我簽文件嗰陣一直忍住唔喊，但之後一出去見到老公就攬住佢狂喊，好似拍戲咁！」