苟芸慧飯局超正經 冇人問價

無綫藝人苟芸慧（苟姑娘）早前出席內地一個珠寶品牌春茗，盛裝打扮的她中門大開，舉杯豪飲，有報道指她出席老細飯局，意有所指。苟姑娘昨日出席活動時，坦言感到無奈：「我同張嘉兒、朱璇一齊去，曾志偉都係座上客，陳慧琳、古巨基、孫楠都係嗰個品牌嘅代言人，仲有我哋公司兩個經理人在場。我着得性感，係為咗配合當晚嘅盛大場面！以前去一個飯局，係指簡單去食餐飯，但香港嘅所謂飯局原來有負面含義，因為唔識分飯局好壞，我一切都係聽公司安排！」並指從未出席有人問價的飯局。