Justin開騷遲兩粒鐘粉絲喊住走或罰逾千萬

加拿大小天王Justin Bieber抵達倫敦後不停出席派對夜蒲，導致前晚開騷遲到兩小時，令粉絲失望得哭着離場。他更可能因超時而被罰款逾千萬港元！

前晚在倫敦O2體育場開騷的Justin Bieber比原定的8時半遲到差不多兩小時，在師妹Carly Rae Jepsen表演後，10時後才施施然上台。他未有解釋原因亦沒有道歉，令在場所有人非常不滿，很多學生粉絲更因要趕搭尾班地鐵而傷心離場！其中一名歌迷爆料：「Carly喺9點10分已經唱完，之後一直播米高積遜（Michael Jackson）嘅歌播足45分鐘，Justin到10點15分先出場，佢最遲9點30分就應該要上台，我哋全部人喺度無聊白等，我阿媽買咗5張飛，好唔開心！」有指Justin因此將要賠償每分鐘約12萬元的罰款，總共被罰逾千萬港元。

被球員爆粗大罵

此外，英國球員祖爾巴頓（Joey Barton）因在Twitter的粉絲數目遠遠落後Justin，在網上留言爆粗大罵Justin似戴着耳環的冇毛雀，寧願沖自己的頭入馬桶亦不願做他的粉絲！

而Justin父親Jeremy周五上載為慶祝兒子生日而特別訂造的蝙蝠俠電單車照片上網。