麥潔文激減30磅晒舞功

前輩級歌手麥潔文（Kitman）即將開騷，她最近密鑼緊鼓綵排，更透露會在演唱會中加插勁舞環節，曾有「跳舞王后」之稱的她直言「舞難度」！又透露為個唱喪減30磅，獲老公江華激讚！

麥潔文昨日為下周一及周二在尖沙咀文化中心舉行的《麥潔文畢生難忘演唱會2013》進行綵排，丈夫江華及好友李麗霞（黑妹）到場支持。Kitman表示將加插十多分鐘的勁舞環節，有「舞功」根底的她笑言沒有難度：「其實都唔算好困難，盡力跳囉！我以前都有個朵叫Dancing Queen，問題係夠唔夠時間練啫！」

另外，她透露為了演唱會勁減30磅：「唔使食藥，健康減肥，都好滿意成績。」問到身形弗爆可有獲老公讚賞？在場的江華立即Sweet爆說：「一路都有讚，肥定瘦一樣咁可愛！不過瘦咗就可以着多啲靚衫，觀眾買飛入嚟睇佢減30磅都抵！」他又笑言老婆做了減肥醫師的「生招牌」，因她的減肥成績有目共睹！

搵鄧萃雯拍電影

提到最近鄧萃雯承認拍劇壓力大，曾患上情緒病，和雯女傳過緋聞的江華說：「我冇佢電話，不過都會關心吓佢。」他又透露有意開拍一部福音電影，打算邀請雯女合作：「大家都係基督徒，所以想搵佢同我拍福音電影。（使唔使同老婆講聲？）有時唔使問，睇你做咩啫！」