劉心悠貪靚出事

劉心悠、羅仲謙及英皇藝人湯怡等前晚出席手機活動，見心悠雙眼滿布紅筋，皮膚敏感加少許感冒，故不敢走近記者。她透露眼部不適是因貪靚塗上睫毛增長液，而面上「粒粒」則是因近日轉天氣所致。提到大會送贈防水手機，心悠興奮地說：「咁沖涼都可以聽音樂！試過手機跌落廁所，入面啲資料冇晒！（有冇異性親暱相？）冇，亦冇沖涼自拍嘅習慣。（叫人幫手影？）我阿媽一定話我變態！」

而阿謙則表示一直想多買一部手機，方便與母親聯絡。談到女友楊怡獲「年度傑出表現」獎，他指因忙於拍劇而仍未慶祝。問到可會因楊怡替馬國明抹淚而呷醋？他說：「因為馬明感動，佢努力咗好多年，係我都會感動。（你都幫馬明抹眼淚？）會！第時帶定紙巾添！」