溫碧霞性感撼贏JC

溫碧霞（Irene）昨日穿上橙色吊帶低胸裙出席銳豐娛樂有限公司的酒會，前後皆露的她令同場收起「警鐘胸」的Jessica C.（ＪＣ）大為遜色。Irene宣布將拍攝由銳豐投資的《靚妹仔》2013版之《微交少女》：「我個角色延續舊版，講我有私生女，之前有個女新人好似我，但仲未落實。新版會加插青少年問題，我覺得上一代同新一代好難溝通。（同養子難溝通？）佢仲好得意，起碼十幾歲先會反叛！」

而JC、Ana R.及何紫綸則表示想拍戲，JC說：「做打女都得o架！最緊要有挑戰性。」Ana R.則笑說：「我想同郭富城拍戲！（身高懸殊？）話唔定瞓低演出呢！」

當年《靚妹仔》男主角，已轉行從事音響器材生意的麥德和說：「唔係Irene，我都唔會拍新版《靚》，有好多粗口對白。（驚人彈低俗？）啲粗口全部都有感情！」