Kelly爆莊思明見家長

陳慧琳（Kelly）的弟弟陳司翰早前被《好報》踢爆翻撻前港姐莊思明，Kelly承認弟弟曾帶女友回家見母親，與未來弟婦緣慳一面的她不會向弟弟催婚：「等佢哋認識吓先。」

陳慧琳、歌手連詩雅（Shiga）及組合糖兄妹昨日出席活動，Kelly被問到有否留意弟弟陳司翰的感情事？她說：「冇呀！（同莊思明翻撻？）有睇報道。」問到有否向弟弟求證？她說：「唔問啦！呢啲唔係關心，係八卦！」但自爆母親曾見過莊思明：「如果係真，佢會介紹畀屋企人識。（催佢哋結婚？）唔會，等佢哋認識吓先。」

自認成日藐嘴

「四大」歌手之一的Kelly承認與無綫快將破冰：「就嚟冇事啦！」有指她上月底出席內地的春茗活動時，因太悶而藐嘴，她笑說：「我成日藐，夾硬寫衰我，我又冇得罪佢。」記者向她展示藐嘴相，她看後即可憐地扁嘴說：「人哋着得咁靚，張相咁肉酸！」並強調出席的是春茗，而不是報道所指的「陪客」活動。

同場的Shiga出道時已發生版稅風波，她希望亮相無綫節目，並笑說：「如果上無綫節目就係處女亮相！」記者取笑她「破處」，她尷尬地笑說：「好想去《勁歌金曲》。」她又大讚師兄周柏豪日前與余文樂拍攝的哈林搖擺（Harlem Shake）舞技精湛：「笑到爆！平時佢好Cool，原來舞技咁好。」