阿澤撐樂仔出「征」

杜汶澤（阿澤）前晚偕模陳靜（DaDa）、Celia K.（郭穎兒）、賈曉晨（JJ）及導演彭浩翔等出席電影《飛虎出征》煞科宴，席間阿澤出招拋餐巾落地，氹Celia K.烏身執巾晒三吋事業線，撼贏密實的DaDa。其後阿澤笑自稱「唔飲得」的JJ：「呢度唔係橫店，冇人識詠春，唔使驚！」問到被爆與吳雨霏（Kary）拍拖的余文樂為何缺席？阿澤大灑鹽花說：「佢出『征』無謂阻人啦！我係講長征個『征』。（避傳媒？）我唔知佢有冇『避』喎！（認與Kary拍拖？）我不嬲唔理人喺邊出『征』，費事尷尬無謂知咁多！做兄弟會尊重佢，佢又靚仔又有錢，支槍裝滿子彈唔發射好淒涼。」

久違的歌手鄭敬基指跟舊愛鄧萃雯有通電話，不覺她有焦慮症：「佢一向都好緊張，要熟讀劇本、又係兩屆視后，所以壓力大。」