胡定欣晒事業線色誘梁烈唯

胡定欣在前晚播出的劇集中大晒四吋「事業線」，「乳出驚人」的她，劇中老公梁烈唯雖然出軌「偷嗒」賈曉晨，但現實中定欣與男友沈栢淳（Patt）卻相當恩愛，前晚被拍得在中環開餐，可惜被傳媒撞破後掃興轉場。

平日少作性感打扮的胡定欣，在前晚播出的一集《戀愛季節》中罕有地大晒四吋「事業線」，令人眼前一亮，網友熱烈討論大讚定欣身材好。前晚講述梁烈唯背妻偷嗒賈曉晨（JJ），定欣發現老公出軌，在結婚紀念日悉心打扮一番與唯唯慶祝，希望挽救婚姻，但唯唯借故溜走與JJ幽會，後來定欣發現無法挽回感情離家出走，唯唯看着定欣寫給他的攤牌信傷心欲絕，「招牌鼻涕」又再「半天吊」出現。

拍攝時尷尬

定欣接受電話訪問談及「乳出驚人」﹖她說：「平時都好少着到咁性感，台慶都唔會咁性感啦！今次係劇情需要，唔係話以性感刺激收視。拍嗰陣都有啲尷尬，未拍前都有披披肩，唔好嚇親人嘛！哈哈！朋友話嗰場戲出街，見到啲人即刻停晒手，眼定定咁望住電視機。」問到男友Patt看到她的性感演出有沒有投訴？她笑說：「冇喎！佢又冇乜反應喎！」

另外，定欣前晚六時許駕車與男友Patt途經中環，剛巧附近大批記者正在採訪，發現兩人蹤迹後即上前拍照，定欣相當淡定，相反Patt似乎有點緊張，定欣說：「尋晚本來諗住去中環食飯，但係突然間有人衝出嚟影相，男友唔係緊張，係唔知發生咩事啫！之後轉咗去其他地方食飯，都有少少掃興。」

此外，前晚的《心路GPS》播出「田雞女」劉蔚萱早前被導演用田雞袋笠頭教戲的一幕，出來的效果見她驚到七情上面。