上海首映 尼古拉斯多謝中國人

荷里活金像影帝尼古拉斯基治（Nicolas Cage），前日出席動作新片《Stolen》在上海浦東舉行的首映禮，他被稱為「中國影迷的老朋友」，因為其作品一向在內地大受歡迎，他受訪時表示很高興獲此稱呼，更賣口乖大讚內地影迷：「印象中內地影迷特別熱情和善，我對中國獨特嘅歷史同文化特別有興趣。我知道自己嘅電影喺中國好受歡迎，能夠被中國影迷當做老朋友，我好榮幸，中國人，多謝晒！」

尼古拉斯又談及被指濫接爛片的批評，並淡然一笑說：「一個演員最可怕嘅就係唔可以保持對電影嘅興趣，我會多嘗試唔同嘅角色，多接唔同嘅戲，有助保持一種新鮮感。」

他又指在《石破天驚》（The Rock）合作過的辛康納利（Sean Connery）曾安慰他，不要在意批評，因為成為國際巨星的話，肯定不會被每個人都接受，真實表現自己才會被人喜歡。