林德信認同松岡Sweet
歌手林德信(Alex)昨日拍住爸爸林子祥(阿Lam)現身活動, Alex表示會在生日開牛仔Party,問到緋聞女友日模松岡李那可會出席?他說:「我想請好多朋友,會請埋佢。」問到可會帶她見爸爸?阿Lam笑說:「我跟唔上,都唔知邊個先係。」提到松岡近日將一張有「又愛又恨」意思的照片上載至Instagram,矛頭是否指向他?Alex說:「我唔清楚,我哋係好朋友。(咁松岡對你係愛定恨?)佢對我好好,係Sweet嘅。」提到早前拍得松岡攬仔及與他吵架,Alex說:「係成個星期之前嘅事,我哋成班朋友一齊去,我都冇同佢嗌交。」
Alex(左)跟阿Lam父子檔出騷,十分溫馨。