城城馬術融入演出

郭富城前晚出席馬術比賽頒獎典禮,他表示會把馬術構思放到本月的演唱會,與大家一同感受氣氛,但提到緋聞女友熊黛林則封口。對於好友余文樂與吳雨霏拍拖,他表示會支持。

郭富城前晚出席《浪琴表香港馬術大師賽》頒獎典禮,身為馬主的城城以品牌大使身份亮相並頒獎,他大讚是完美的馬術盛宴:「馬術比賽未係好普及,但其實係好好嘅親子活動,適合一家大細!」問到將來會否讓小朋友學習馬術?他表示將來的事未想到,但自己有興趣學,可惜沒有時間:「之前拍戲都有騎馬,但唔夠喉,今次嘅馬術活動令我大開眼界,會將靈感放喺演唱會。(帶隻馬上台?)先賣個關子,會將有關馬術嘅構思放落演唱會,等嚟唔到欣賞嘅朋友可以感受氣氛!」問到下次會否帶緋聞女友熊黛林(Lynn)欣賞賽事大開眼界?城城說:「呢啲唔講喇!」

力撐「樂霏戀」

此外,城城透露好友沈嘉偉都找他幫忙撲飛:「佢小朋友有學騎馬,騎術運動冇分階級年齡。」提到好友余文樂與吳雨霏(Kary)拍拖,城城表示對方開心便會支持,拍拖亦屬正常事,又點頭指二人很相襯,問到是否早知「樂霏」拍拖?他則陰陰嘴笑說:「我唔講o架!(阿樂帶過Kary同你一齊食飯?)呢啲唔講。(見過佢哋一齊?)都話唔講。」

至於樂仔歐遊返港未有回答記者提問,問到是否他所教?城城笑說:「千祈唔好話我教,我諗佢有自己想法,佢大個仔。」並隨即轉話題,指最近清減不少,又透露公司煲湯給他,問到為何不是Lynn煲?他繼續口密說:「呢啲唔講喇!」

音樂組

馬主城城常出席馬術活動,更創新地想將馬術構思放到演唱會中。

城城頒獎予得獎者時,表情多多。

法國騎師Patrice Delaveau 即席表演精彩的馬術,令城城拍案叫絕!