G.E.M.升呢天后收晒囂

歌手陳奕迅（Eason）與G.E.M.（鄧紫棋）獲頒「演藝人2012音樂傑出表現男女歌手」，最近被指「升呢」後囂爆的她昨晚變得謙虛，問到是否覺得與Eason平起平坐？G.E.M.即表示不敢當：「唔好咁講！好大壓力，但好開心，係專業人士代表選出嚟！我16歲入行，一路畀人感覺好小朋友，依家要成熟啲！」問到是否向天后之路進發？她即耍手擰頭：「唔好咁講，我做好自己啫！（以後叫你天后G.E.M.？）嘩！唔好咁講啦！」提到現場有不少導演，會否藉機會踩過界拍戲？G.E.M.說：「我拍笑片OK，認真就唔得喇！（忍到笑？）拍笑片忍唔到笑都得啩！」不過，肥媽在台上頒獎給G.E.M.時若有所指地說：「係個好有禮貌嘅女歌手，恭喜你！」