栢芝傳失業 霆鋒鬧黐線

型男謝霆鋒與索女Angelababy昨日雙雙獲頒「最具魅力男、女演員獎」，離婚後的霆鋒難得開腔講明有心「戀」戰，隨時Ready迎接第二春，但言談間又處處維護被指工作遞減的前妻張栢芝！身為栢芝粉絲的Baby亦力撐偶像近來只是專注慈善工作！

香港電影工作者總會昨晚假九展舉行20周年春茗，並藉此機會頒發獎項予歌影視等不同組別有傑出表現的藝人，以表揚他們的成就。一班紅星包括謝霆鋒、Angelababy（Baby）、毛舜筠、馬國明、楊怡及鄧紫棋（G.E.M.）等雲集領獎。留有鬚根的霆鋒與父親謝賢到場，獲頒「專業眼中最具魅力男演員獎」的霆鋒被問到有何「魅力」時，他說：「可能係攝影師同導演眼中有呢樣嘢。」

讚湊仔安排妥當

原本霆鋒要開拍由王晶執導、周潤發參演的新戲，由於劇本有改動，所以現爭取時間休息，並趁機探望兩名兒子，藉機大讚前妻張栢芝安排妥當，兩人亦溝通良好。提到有指栢芝近來工作遞減，他即出言維護：「黐線！我就冇嘢做，佢大把嘢做！」依然單身的他被問到是否無心拍拖時，竟罕有地坦承有「心」：「如果話冇就真係唔會有，所以我講幾時都要有。」對於早前被拍得與房祖名到中環睇商廈，他表示當時只是講笑，但確實有意跟祖名合作：「可能音樂、電影或者MV方面。」他又自言沒有資格炒舖：「唔好咁講，驚第時買個蛋撻都畀人鬧！」其後，他又幫缺席的好兄弟陳奕迅上台領取「演藝人2012音樂傑出表現男歌手」。

Baby撐偶像忙行善

一直在得獎名單榜上無名的Baby，抵達會場後突然獲大會頒發新增設的「專業眼中最具魅力女演員獎」！對於臨時有獎，她解釋：「因為之前唔知自己嚟唔嚟到。」剛與余文樂在深圳拍廣告的她被問到對方是否春風滿面？Baby笑說：「識佢第一日都係咁！」身為栢芝粉絲的她又力撐偶像，指未有留意對方被指「冇Job接」的傳聞：「我一路都支持佢，佢近來做慈善嘢多。我哋私底下都有溝通，佢係一個善良嘅女仔，經常提點我。」而她亦非首次與霆鋒碰面。

至於正身處泰國拍戲的張家輝則獲得「演藝人2012電影傑出表現男演員」，可惜未能趕及返港領獎。獲頒「2012年度最傑出導演」的彭浩翔則笑笑口寸蜜運中的余文樂最近玩失蹤：「傳極短訊都唔覆！」