Mia靠眼鏡「翻生」

眼鏡於今日已成為藝人的「恩物」，除作配襯外，也是素顏及黑眼圈的救星，更是黑面的最佳拍檔。「模媽」陳靜儀（Mia）自小有散光，18歲時因「貪靚」想戴有色隱形眼鏡，最後做了激光手術，故Mia自小已有很多眼鏡，但小時候的眼鏡大多是「近視鏡」，反而入行後買的眼鏡才真的是扮靚工具。

現時家中擁有超過二十副眼鏡的Mia，大讚「眼鏡」簡直是專為女士而設的「裝飾物」：「我依家嘅眼鏡好多都係冇框嘅，亦有好多太陽眼鏡，全部都係為靚而買，因為有時有啲衫或者髮型戴咗眼鏡會型啲！又或者有時出街冇化妝，又有黑眼圈，個樣殘殘哋，戴副大眼鏡可以遮咗好多瑕疵，始終女仔都係貪靚，唔同男仔隨隨便便就可以出街。」除了「遮醜」之外，Mia認為眼鏡若配合合適的化妝及髮型，絕對可以變出多個驚喜造型，故眼鏡又怎能只得一副呢？