藝人阮小儀一向形象搞笑幽默，她私底下亦表情多多，以鬥雞眼、嘟豬嘴及O嘴「賣萌」博粉絲一笑，小儀說：「我唔多識扮鬼臉，最叻都係鬥雞眼！」她又自爆入行前是個文靜「書蟲」：「細個掛住讀書，冇乜參加課外活動，當我入咗演藝呢一行，仲參加埋歌劇後，好多同學都好驚訝！」
DJ出身的小儀表示開咪時會講到七情上面：「我已經成日上電視節目，平時講嘢都會多咗動作，郁手郁腳！咁樣都幾好，可以訓練我嘅主動性同埋令我變得大膽啲！」
身形矮小的小儀笑容甜美，絕對適合走可愛路線。
