曉明護腳電動車代步

內地小生黃曉明腳傷未愈，昨日出席活動時需駕駛兩輪電動車出場，加上多名保鏢護駕，做足護腳措施。而女友Angelababy在巴黎睇騷，為免曉明辛勞，寧願放棄男友與她慶祝生日。

黃曉明去年11月因拍電影不幸從三米半空墮下，左腳兩隻腳趾骨骨折，傷勢已逐漸康復，不需要坐輪椅，但要靠電動車代步，曉明昨日在北京出席時裝活動，同場還有台灣女星安以軒和陶喆等。曉明站在兩輪電動車出場，身邊還有數名保鏢護送，成為全場焦點。他透露腳傷康復進度理想：「腳內仍有幾顆鋼釘，醫生叮囑盡量不要走路。」

另一邊廂，曉明女友Angelababy（Baby）在巴黎當地時間1日出席Christian Dior 2013秋冬騷，同場還有奧斯卡影后瑪莉安歌迪雅（Marion Cotillard）。Baby穿上藍色連身裙，被安排坐第一排，備受重視。她透露逗留巴黎不足廿四小時即回港，其後再到巴黎影相。

被誤認吳佩慈

上月28日生日的Baby，問到男友曉明有否送禮？她說：「冇，真係好忙，我唔介意冇慶祝，亦叫朋友唔好送禮物畀我，將啲錢捐晒出去。（想曉明捐幾多？）心意就得。」問到會否希望曉明飛巴黎與她慶祝生日給予驚喜？Baby說：「唔好，大家都係成年人，以大局為重，佢有工作同腳傷。（有冇收花？）我費事下下都講，自己開心就得。（會唔會送禮畀自己？）買車，因我剛考到車牌。（你講就有人送？）我驚講完會收幾架車，但自己會全收。」

Baby在場內吸引不少中外傳媒影相，在外國亦漸具名氣，但美聯社圖片說明將Baby誤認是台灣女星吳佩慈。