胡定欣讚舊愛夠專一

藝人胡定欣昨日出席品牌活動，問到舊愛馬國明早前在宣傳活動中叫錯胡杏兒做「胡定欣」，未知對方是否對她念念不忘？她說：「唔係，我嗰日都叫佢咪亂講，好尷尬！其實我哋有時都會傳短訊講工作。（佢忘記唔到你？）因為拍檔杏兒同我同姓啫！（同你拍拖時試過叫錯名？）冇，過去嘅嘢咪講啦！」

馬國明最近不斷傳出緋聞，定欣祝福他能盡快找到好女仔拍拖。記者叫她替對方選個「女友」，她說：「佢自己揀啦！我覺得個個都好女仔。（私下有同你傾？）我話佢又上封面，佢話：『算啦，有劇當宣傳。』（佢花心？）唔會，如果真係花心就會畀人影到同好多女仔出街啦！」提到在新劇中有Deep V裝，她自言少作性感打扮，並笑指公司的女同事身材很好：「自己算小嘢，有少少Surprise，睇會唔會刺激到收視！（張秀文勁晒身材？）佢身材好好，我唔會認輸，但唔會比較。（拍拖後「封胸」？）唔會，工作適合咩造型就會做，因為我仲未嫁，男友都冇管我。」