小寶為「食」推Job

因劇集《老表，你好嘢！》成功上位的陳嘉佳（小寶）及「鬼妹」陳明恩，昨日為無綫節目《街坊廚神食四方》擔任嘉賓，小寶表示恨拍電影：「我都好期待《老表》開續集，但話時話係咪真係有電影版o架？（你會拍《一路向西》續集？）推咗！因為要開新劇《食為奴》撞晒期，點去泰國一個月？（幾時同黃子華拍劇？）未有聲氣喎！（為報答無綫而棄大銀幕？）唔係！係TVB畀機會我至有今日，我都想喺電視曝光多啲！我想話，有好多人搵我，但原來係想搵陳明恩拍戲囉！」陳明恩聞言即說：「我未知有冇機會拍《3D冰封俠》，自己呢輪忙於籌備新碟，成日被人問拍拖嘢，我想新歌寫埋呢個題材。」