老公執導鬼片琦琦驚到瞓唔着

任達華太太、名模琦琦昨日出席《AIA健康生活齊起動》活動時表示，平日全家人均注重身體健康，老公更是家中的「健康大使」。提到華哥近日第一次擔任導演，琦琦說：「佢做導演拍鬼片，仲做埋演員，尋晚佢同我講咗個故事，搞到我驚到瞓唔着，凌晨四點起身睇書，其實我好細膽！」她更笑言送贈三封大利是給老公，希望他旗開得勝：「我會撐佢場，佢第一次做導演。囡囡聽到Daddy做導演都話幫佢祈禱。」問到演員陣容？她則透露有林雪及邵美琪等演出。另外，她剛與周汶錡等出席馬術活動，席上衣香鬢影。