吳綺莉唔知個女似邊個

藝人吳綺莉（Elaine）昨日為節目《新派煮意》錄影，早前被電台炒魷的她表示事件已擺平：「搞掂晒喇！有賠錢。（賠幾多？）唔知！我只係出緊TVB月薪，因為無綫係我經理人，電台名義上係賠畀我，但實際上係賠畀TVB。」日前被拍得與囡囡卓林「掃街」的Elaine表示，雖然愛吃街邊小食，但現時為減肥要忍口。談到女兒被指似房祖名，Elaine笑說：「冇睇過相喎！但係我覺得個女似我。（唔介意？）似邊個都冇所謂，最緊要身體健康，邊個靚就似邊個，最緊要五官端正。」她又表示對女兒外表唯一不滿的地方就是骨架大：「我係單骨，而佢係雙骨，所以一肥就好大舊。（雙骨似邊個？）我唔知，屋企咁多人，查族譜先知。（叫囡囡選美？）唔係，我怕女仔太大隻會唔好。」