莊思明公開「司」密抱歉Hurt舊愛

前港姐莊思明（Lisa）與拍拖幾個月的混血男友分手，她強調未涉及第三者︰「大家和平分手，因為各自追求嘅嘢唔同，唔關任何人事。」但Lisa與混血舊愛分手偏偏與另一舊愛陳司翰扯上關係，她與陳司翰年前分手後雖有指再見不是朋友，但Lisa仍維護對方︰「其實當時我自己單方面公開已經分開，只係想用簡單方法回應私人生活，估唔到令佢有好多負面報道，傷害咗身邊嘅人，所以要同佢講聲唔好意思。」

Lisa坦言要還陳司翰一個公道︰「因為已經過咗一個敏感階段，所以要澄清，當時分手冇涉及其他人，總之唔係外界講到咁，我了解佢為人。」談及分手原因，她不願多提︰「冇必要去再講。」