黃婉曼謙稱水着唔值錢

大露背的超雲艷光四射，同場的前「天氣女郎」黃婉曼亦不輸蝕，谷胸騷Quali，她笑說：「做善事要不遺餘力，所以要大方啲！（着三點式籌款？）可以籌到幾多先。（你想籌幾多？）我冇諗過，呢啲（身材）個個都有，我唔敢高估自己。（100萬？）可能要加埋噴火、一字馬同拱橋先籌到喎！」她還趁機自薦拍戲，聲稱不介意做「茄喱啡」，問到能否接受全裸上陣，她斷然說：「梗係唔得！（何佩瑜話如果導演李安搵佢就唔介意全裸。）李安咁犀利，唔輪到我！」同樣打扮性感的還有無綫小花沈卓盈，她自拍谷胸照並取笑拍檔吳家樂Chok樣！