梁麗瑩吔蠍子慶生 冒死伴虎「泰」危險!

無綫藝人梁麗瑩早前趁生日有假期,與父母一同到泰國旅行。她表示遊泰純粹吃和休息,沒有大肆購物,但此行她吃得真多,加上其後又往澳門拍攝,足足肥了八磅之多!梁麗瑩除了在酒店餐廳吃海鮮餐慶祝生日外,在街頭碰上賣炸蠍子的小攤檔,向來大膽的她敢於一嘗食蠍子的滋味,問到味道如何?她說:「其實只係100蚊泰銖(約25港元)一串,鹹鹹哋,裏面冇乜肉,好似炸蝦殼咁脆卜卜,都幾拮口!」

梁麗瑩亦在曼谷巿搭了三小時車程往老虎廟,更簽生死狀入內與大老虎合照:「其實佢哋幾得意,亦都好馴、好聽話!(唔怕突然發難咬人?)如果咬到埋嚟,呢啲都係整定。」而喜歡動物的她亦有去看大象表演。談到增磅多少,她淡定地說:「我易肥易瘦,啲朋友話唔見我十日,會肥一個碼,但只要我地獄式減肥,食麥皮餐同烚菜,一個星期就可以瘦番八磅,所以唔使擔心。」

梁麗瑩摸完大象,又簽生死狀與老虎合照。

梁麗瑩膽粗粗食炸蠍子,大讚口感脆卜卜!

梁麗瑩帶父母去泰國旅行,飽嘗美食。