周汶錡人大膽細唔敢再坐熱氣球

名模周汶錡(Kathy)前日現身澳門出席「澳門銀河」婚慶巡禮,她回想起在法國及香港的婚禮,並笑言在法國搞婚禮時聘請Wedding Planner幫忙籌備,但在香港的婚禮卻沒有,她坦言沒想過會有如此多細節要安排。問到會否協助妹妹周麗淇籌備婚禮?她笑說:「冇問題!免費!(催佢?)佢好似唔緊張!(介紹男仔畀佢?)盡量啦!(影到有男士送佢上的士?)係我朋友嚟,我叫佢送佢返屋企,睇我幾用心,我有做嘢o架!」提到埃及熱氣球爆炸慘劇,她坦言曾在法國坐過,但隨着年紀漸長,膽子愈來愈小,應該不會再坐第二次。

另外,模特兒傅嘉莉(Kelly)昨日現身銅鑼灣時,同樣提及熱氣球爆炸一事,她表示旅行是求開心,遇上要簽生死狀的高危活動都不會玩,覺得不值得冒險:「我第一次滑雪係去北海道,因為冇上堂,一滑就傷咗左腳韌帶,所以以後去旅行有高危活動都驚。」

周汶錡以低V背心裙上陣,夠晒索!

傅嘉莉坦言去旅行不敢玩高危活動。