黃智雯賺辛苦錢要急救

無綫小花黃智雯早前以仙子Look拍護膚品廣告，花了半日時間駁髮，由於趕拍劇集以致匆匆拆去假髮，結果甩掉不少秀髮，要花上大量護髮用品急救，她自嘲幸好天生頭髮又多又厚，失去的只是冰山一角，更指為配合特效要對住空氣做戲，儼如演技大考驗！

黃智雯自去年奪得無綫頒獎禮「飛躍進步女藝員」後工作不斷，早前獲韓國護膚品牌睇中，以六位數字酬勞邀任代言人，同時為劇集《On Call 36小時Ⅱ》及《情逆三世緣》開工的她，特別騰出時間拍攝電視及平面廣告。

為配合廣告商打造的仙子Look，一頭短髮的智雯於拍攝前要花半日駁長頭髮，久未嘗長髮的她顯得興奮非常，不斷在鏡頭後轉圈，更說：「好掛住長頭髮嘅自己，真係好女仔，哈哈！頭先都忍唔住跳舞！」不過經過大半天拍攝後，她的頭髮再度打回原形，要花上數小時拆去假髮，大抵接駁假髮與真髮的膠水太強力，以致拆髮過程甩掉不少頭髮，令頭皮損傷，故她返家後第一時間衝入浴室洗頭，並以大量護髮素及護髮用品「滋補」急救一番！問到是否心痛甩頭髮？她笑說：「都痛o架！好在我出名多頭髮，甩嗰啲都只係冰山一角啫！（拍一日有六位數字喎！）我都有付出把秀髮o架！辛苦錢嚟囉！」

搵真銀大小通吃

除了秀髮受損外，為帶出故事中大自然主題，廣告商稍後將加入特效，所以拍攝時智雯只能面對空氣做戲，大感有難度，她說：「導演要求我想像對住啲蝴蝶，好似置身樹林咁，我又冇咩呢方面經驗，所以好似考緊試咁，好在最後都Pass到，效果都幾滿意。」對於拍攝首個大型個人廣告，智雯笑言相當感恩，雖然這陣子忙於拍劇，但寄望能早日完成，好讓她多點機會搵真銀，問到還想接拍哪一類型廣告？她笑說：「咩都好啦！只要健康同適合就得，大小通吃呀！」