藝人岑寶兒（阿夢）、尹光、o靚模仙樂都（YoYo）和王璐瑤（LuLu）等昨日以一身性感打扮到深圳拍攝有線真人騷《七條事業線》，每集嘗試不同職業的o靚模學做室內設計師，主持人阿夢透露：「佢哋跟完室內設計師學嘢就會幫一間屋做設計，最後有風水師傅睇符唔符合風水，輸咗嘅女仔會被罰做批盪、黐牆紙、髹油等等。」阿夢又分享拍攝趣事：「最搞笑係有次要學做農夫，有啲女仔要赤腳落田，有啲就着水鞋，工作人員特登放啲田雞落田，嚇到佢哋雞飛狗走，有個仲驚到甩埋鞋，隻鞋插咗喺田中間，好好笑！」
o靚模落田驚見田雞，嚇到跣低！
尹光有八女相伴，艷福不淺。
