G.E.M.開胸戰衣V落肚臍

鄧紫棋（G.E.M.）前晚出席個唱記招，被形容為「新天后」及G.E.M.姐的她，對新稱呼相當抗拒，並自言是G.E.M.妹。她還率先透露個唱其中一套戰衣V到落肚臍，令她非常懊惱！

下月舉行一連五場《X.X.X. Live紅館演唱會》的G.E.M.，前晚在記者會上被主持形容為「新天后」，又被取笑說：「唔知第時要唔要叫G.E.M.姐！」她受訪時直言對連開五場個唱感害怕，認為有難度，又透露屆時會表演電結他。提到被稱為G.E.M.姐？她說：「唔好咁嗌，即刻變老咗！（日前喺IFPI頒獎禮耍大牌？）冇，一向好Casual，只係有誤會，溝通番就冇事，當日唔知事發經過，了解番已經即刻喺微博解釋。」

未敢做阿姐

提到演唱會服裝，G.E.M.表示已看過設計圖：「其中一件V到落肚臍，自己睇完都嚇一跳！嗰件係跳舞用，都唔知點，黐膠紙又會甩！」她還透露五場個唱會邀請五個不同地方的歌手擔任嘉賓，其中一位是新加坡歌手，問到緋聞男友林宥嘉是否在嘉賓之列？她說：「唔知，聽公司話。（G.E.M.姐可以話事？）我係G.E.M.妹嚟o架咋！」

獲經理人及監製送上即影即有相機和電結他的G.E.M.宣布，個唱會到歐美及亞洲等地巡迴，一共21站，還會預留一段時間到外地進修，她說：「我16歲入行，將所有時間放喺工作上，需要有突破！」此外，日前她以緊身馬甲及粉紅色紗裙上陣，為代言品牌拍攝廣告照。