旺夫40年 後年嫁得

無綫小生林峯與吳千語年齡雖然相差14年，不過堪輿學家陳子才卻大讚二人是世間絕配：「林峯屬土、吳千語屬金，因為土生金，代表林峯好愛錫吳千語，吳千語亦覺得林峯好保護自己。根據八字，佢哋夫妻宮相合，代表溝通融洽。」他又透露吳千語天生好運，更會由2006年至2045年行足40年旺夫及旺老闆運，亦會嫁到好老公，愈來愈富貴。而問到他們會否今年結婚？陳子才表示二人的結婚年為2013年，寓意彼此將於本年遇到真桃花：「可能男方會喺2014年向女方求婚，然後喺2015或2016年結婚。林峯喺2016年會有機會淡出演藝圈，而吳千語喺2016年會行『舒服得財運』，代表佢結婚之後唔使做。」