啜磨富二代斷正 Mia口口聲聲只認「兄弟」

24歲模媽陳靜儀(Mia)緋聞不絕,《好報》昨日獨家踢爆她與深圳富二代陳俊宇蒲中環啜磨。儘管當場斷正,但記者致電身在馬來西亞的Mia,她死口唔認撻着:「未係!只係好兄弟,佢嚟香港咪帶佢玩吓,係醉街兄弟至真!」她表示彼此在內地工作認識,未到拍拖階段,又突然讚道:「佢好勤力做嘢!」但問到做甚麼,她又答不出。再問新歡當日是否跟她返歸「撲火」?Mia說:「佢送我返到樓下,我屋企細,冇得分房瞓!」

Mia前夫莊家傑接受電話訪問時只說:「分開咗已經冇聯絡,不過都祝福佢!」雖然子女的撫養權歸Mia,但他表示每星期都有探子女:「有見,不過都係同Mia個媽咪聯絡!」

當街情挑陳俊宇卻只稱「兄弟」,看來有不少人想與Mia稱兄道弟了。