阿Sa泰國炒車當擋災

蔡卓妍（阿Sa）聯同鍾欣桐（阿嬌）、羅力威及洪卓立出席水晶首飾品牌活動，阿Sa透露早前與男友陳偉霆及朋友到泰國旅行，期間玩越野車時不慎炒車而跌瘀手腳：「我玩咗三分鐘就炒車喇！當時我見架車就快跌落個山坡度，於是跳車，結果隻腳攝咗落架車度，好在我着嘅波鞋比較鬆。（男友有冇英雄救美？）所有人都只係笑，我炒車個彎位仲命名為阿Sa彎。今次當擋災囉！唔使去洗牙出血。（犯太歲先要出血喎！）唔係年年都要洗牙出血o架咩？」

而羅力威同樣鬧出笑話，問到是否喜歡水晶時，他表示當年奪得亞洲星光大道冠軍時，其中一份獎品是一隻巨型水晶龜，問到有何意思？他本想說是龜年，後來表示可能是要他努力向上！問到今日會否順道揀件首飾給女友？他說：「睇吓囉！」