JC異地戀現暗湧

o靚模陳靜（DaDa）爆乳力撼「警鐘胸」Jessica C.（JC），「Big」爆上圍的DaDa揚言呼吸有困難，卻大勝一仗。而何佩瑜、梁政珏及賈曉晨個個波濤「胸」湧，大派冰淇淋！

同屬有料之人的DaDa、JC、賈曉晨、何佩瑜、梁政珏及袁嘉敏等，前晚大騷事業線出席於會展舉行的《皮草之夜2013》，「波」光四射！當中以DaDa的爆乳裝最矚目，她將晚裝裙改得更貼身，令上圍顯得更豐滿，故直言呼吸有困難！其身材不但比前豐滿，還露出麒麟臂，DaDa說：「肥咗10磅！（上圍升Cup？）見我抖唔到氣就知，依家希望減番10磅。」提到有傳《低俗喜劇》開拍續集，她表示未收到邀請，但希望新一年在演技上有突破，而不是賣弄性感，又透露有不少片商向她招手，當中有四部因角色沒有突破而推掉。

公開合照恐受攻擊

低胸現身的JC凸顯其「警鐘胸」效果，她透露情人節與元宵都是孤獨度過，直言很掛念男友，將於四月生日時見面，問到是否好信任男友？她說：「係！但佢好似唔係咁信我，呢個就係長距離戀愛嘅問題，我哋都有傾過！（因為你太性感惹火？）唔關事，佢唔會介意。」問到是否有很多男生喜歡而令男友呷醋？她表示在Facebook留言的都是粉絲，但男友是唯一的，又向對方大派定心丸：「佢係我生命一部分！有諗過喺Instagram放同男友嘅合照，但驚大家唔再Follow我同有負面留言。」

莊思敏行騷唔吔飯

同場有份行騷的莊思敏，被問到是否因與皮草太子爺王大業（Andy）傳過緋聞，對方有私心才找她行騷？她笑着否認：「原本Andy係叫我今晚嚟食飯，係Agent問我行唔行騷，所以我拒絕咗同佢食飯，佢嬲我o架！（請佢食檸檬？）咁佢有份搞個騷，我只係用唔同方法支持佢。」又表示不覺對方追求。