馮德倫唔信星爺撬牆腳

馮德倫（Stephen）與舒淇的戀情傳了多時，惟當事人一直未有回應，近日還被指外遊又秘婚。昨日Stephen出席活動時否認秘婚，但講到拍拖，他只表示不欲分享私生活，似乎默認！更指周星馳對舒淇嗒糖，只是電影宣傳手法，看來不放「情敵」在眼內。

久未在港露面的馮德倫（Stephen），昨日出席電視節目活動時，被傳媒追問與舒淇的戀情，對於有指二人外遊兼秘婚，他一概否認，但問到是否與舒淇拍拖？他卻有點避忌，只表示向來不喜歡公開談論感情事，故會一直堅持下去，即使結婚也不會談及。

「好朋友成日見面」

至於有否覺得對女方不公平，Stephen說：「咁當然冇結婚，但都未必會選擇同大家分享。（依家單身定拍緊拖？）私人嘢唔講。（有冇見舒淇？）好朋友梗會成日見面，只要大家喺同一地方工作就會見。」又透露有捧舒淇新作《西遊．降魔篇》場，大讚她表現不俗。對於周星馳對舒淇嗒糖，Stephen即笑說：「好多人都對佢嗒糖。（對你有威脅？）呢啲電影宣傳手法，明白嘅，每次都會有啲Point畀大家睇啫！」對於李安再次奪奧斯卡「最佳導演」為華人爭光，Stephen盛讚對方實至名歸。

此外，星爺執導的《西》片於內地上映15天票房已超越10億元人民幣，港澳票房則直逼3千萬元，前日元宵節，星爺到深圳宣傳新片，席間被觀眾問到還愛朱茵嗎？他聞言即高呼：「我愛舒淇！」全場人士拍爛手掌。至於舒淇昨日亦更新微博，大讚三奪奧斯卡影帝的丹尼爾迪路易斯很厲害。