朱咪咪《大吉利是演唱會2013》前晚尾場，咪咪姐繼續在台上大放笑彈，丈夫及大仔亦有捧場。她坦言騷後會休息：「搵咁多錢做咩？100萬都買唔到樓，淨係買到廁所。」
慶功宴上，咪咪姐再表演一字馬，並獲母校頒贈紀念狀，感謝她於過去4年共捐出約2千萬元。她受訪時表示因年屆90歲的母親關係而要休息：「媽咪個心臟唔係太好，間中會肺積水，之前妹妹染感冒，但冇睇醫生，傳染咗畀媽咪，之前佢喺醫院昏迷，依家出咗院，但情況唔太理想，醫生叫我哋最好有心理準備，過兩日我會返去陪媽咪。」
朱咪咪（右）與謝雪心合唱，其後更大放笑彈。
