昨日模特兒Ana R.及Jessica C.（JC）偕師妹楊柳青及伍靜麗（Angie）等出席模特兒公司聚會，Ana R.再被追問婚期，她笑說：「我都等緊佢（男友）幫我戴戒指。（佢有冇求婚？）未有行動，佢講我一定答應。我好想試吓一起身，就要求佢幫我沖咖啡，然後話：『你想我做你太太？當然要沖杯咖啡畀我先！』」而JC則透露男友未曾訪港，問到幾時來探望她？她說：「佢有啲驚，始終佢唔係做呢行，我哋會用視頻同傾電話維繫感情。」
同樣有愛情滋潤的Ana R.（左）及JC，零舍容光煥發。
Angie跟楊柳青（右）孖住出席聚會。
