陳智燊「兄弟錶」戴上手記在心

男士向來配飾不多，往往只有手錶才能凸顯男士味道。明珠台《港生活．港享受》節目主持陳智燊（Jason），經常接觸名錶，他表示無論平貴的手錶都會收藏，款式多變：「咩類型手錶我都有，圓形、方形都有。（有冇話最貴幾錢？）價錢呢方面我冇計，最緊要係啱心水！」

講到最富紀念價值的珍藏，Jason即表示數年前曾為哥哥購入一隻與自己同款式的手錶，他說：「嗰陣行街見到隻錶好靚，諗咗一陣就決定買兩隻畀自己同哥哥，依家見到隻錶好自然就會諗起哥哥，見錶如見人！」果然兄弟情深。