馮鎵瀠騎呢Set頭 娛人娛己

o靚模馮鎵瀠（Naomi）平日不止喜歡自拍Chok樣，亦有鋪珍藏私家「騎呢照」癮。她自爆會不時與好友比併「騎呢之最」，鬥晒趣怪自拍照！Naomi於Set頭期間發揮創意，一時擠眉弄眼、一時又戴黑超扮金魚嘴，當她搞笑地咬長膠羹扮《功夫》中元秋的角色時，雖然一頭髮夾入型入格，但強悍神態不足，仍需努力。而即使敷Mask期間，她亦要自拍，分享晒香肩兼畀V的「白面膜照」，她說：「其實我好鍾意搞笑，有時為咗氹人開心，就算扮醜都冇所謂 ，希望大家可以欣賞到我嘅喜劇細胞啦！」