祖藍亞男遊布吉「同床」

王祖藍與李亞男恩愛出席教友林淑敏婚禮，被取笑此行乃為他倆的婚禮取經，祖藍聽後即時口窒窒說：「你哋搞到我口啞啞、心郁郁添！」不過身旁的亞男卻笑得相當甜蜜，問到是否做好結婚準備，她則大耍太極：「我Ready去讀經囉！（要祖藍開口？）當然要啦！」祖藍則表示結婚要稍後才成事，由於政府增加印花稅，故會等樓價下跌才置業：「點好意思叫佢夾，連首要條件都未搞掂，就乜都冇情講啦！」剛從布吉旅行回港的二人透露，在當地不斷被要求合照，亦被旅客偷影行蹤，亞男還在沙灘穿上三點式，問到有否被偷拍？她說：「唔知，所以都有保持儀態。」問到是否同房？祖藍抵死地說：「梗係同房，米已成炊，珠胎暗結，聽日仲奉子成婚添！（同床？）同房又同床，又同居，係咁上下啦！不過媽咪都喺度之嘛！」