抗癌林淑敏喊住出嫁

37歲的「抗癌勇士」林淑敏與男友陳中原昨日在教堂舉行婚禮，由「玩具大王」蔡志明擔任主婚人，新娘子透露丈夫喜歡小朋友，無奈正服食藥物不適宜懷孕。新郎則發表愛的宣言，畀足太太200分！

無綫藝人林淑敏（Mandy）三年前患上乳癌，花了一年時間成功抗癌，昨日與拍拖13年、現年40歲、經營建築生意的男友陳中原結婚，圈中好友除有王祖藍、李亞男、王君馨、朱慧敏和江美儀等出席外，蔡志明夫婦亦有到賀，原來蔡志明擔任Mandy的主婚人，儀式開始時蔡志明手挽Mandy進場，場面溫馨。

婚禮由歌手高皓正獻唱《不要驚動愛情》揭開序幕，藝人之家、祖藍及彭家麗亦分別獻唱，亞男與鄭子誠則負責讀經，新娘子在台上講述與丈夫相處點滴，並感激老爺及奶奶多年來悉心照顧，當教友分別上台講述往事時，Mandy忍不住落淚，後來宣讀誓詞時又再感動落淚，大抵新郎怕醜，於禮成時只親吻Mandy粉臉，惹來賓客起哄，後來與Mandy咀嘴，全場才報以歡呼聲。

懷孕有困難

Mandy接受訪問時大讚婚禮比想像中完美，問到為何請來蔡志明任主婚人？她說：「因為屋企人喺加拿大有急事嚟唔到，所以就叫最親嘅Uncle任主婚人，佢對我哋好似親生仔女一樣照顧，又灌輸正確觀念畀我哋，遇到困難又會幫手分析，我覺得好適合，當時搵佢都一口答應。」婚後會否生小朋友？Mandy透露正服食藥物，現階段懷孕會有困難：「老公好鍾意小朋友，唔知咁樣有冇虧欠咗佢，好在佢冇覺得呢個係缺點，所以要睇主耶穌安排。（度蜜月？）家人應該三月中返，到時會食餐簡單飯，可能會一齊去旅行。（婚後繼續工作？）會，手停口停，依家400萬買樓係窮人恩物，所以都要為家庭努力。」

至於新郎陳中原被問到太太是否100分時，他笑說：「200分！今日外表25歲添！生唔生小朋友就要睇身體狀況而定。」