忙做新碟巡唱 經理人唔過問戀情

關淑怡（Shirley）與男伴甜蜜同遊，Dry足多年的單親媽咪，感情似乎再現曙光，其經理人王敏慧（Marianne）昨日接受長途電話訪問時表示，不清楚Shirley身邊男伴是誰：「應該係朋友啦？我一向都唔會過問藝人嘅私人事，不如你哋問番Shirley啦！」未知是否為保戀情才不欲多言！

向來努力工作的Shirley，完成本月初兩場紅館演唱會後，現時正在休假充電中，同時亦埋首新碟的工作，Marianne說：「依家收緊歌，應該會出EP。（係咪會做巡迴演唱會？）都應該會做，不過依家仲斟緊，未落實有邊幾個站。」