Choco緊守崗位唔嘈交

不少女子組合傳出因爭排位而內訌，但樂隊Choco沒有此煩惱，皆因各人有各人的崗位，鼓手Kiki說：「好多人都問我打鼓坐後面會唔會蝕底，其實如果個鼓手係好型嘅話，佢嘅光芒係會蓋過晒其他人！」Bass手Cathy表示大家相識近十年，但甚少嗌交：「我哋都唔算好大脾氣，通常有咩唔同意嘅話『嗯』一聲，其他人就會Get到！」

不過有一次活動完畢，三位好姊妹因「賣甩」Kiki，令她氣上心頭：「一出門口見到佢哋勁快咁上咗架的士，仲『砰』一聲閂埋門，Bye Bye都冇句，真係有啲嬲！」知衰的Nova立刻謝罪：「其實係我閂門嘅，我哋以為佢同經理人走咗，都即刻Say Sorry！」